31/3/10

Cursu de Recoyida de la Tradición Oral


Fuente: Actualidá de Furmientu

Ayere pola mañana presentóuse oficialmente en Llión el I Cursu de Recoyida de la Tradición Oral, qu'está organizáu pola asociación El Teixu y pola Conceyalía de Cultura del Ayuntamientu de Llión, y que vai facese en Llión los días 10, 11, 17 y 18 d'abril y 22 y 23 de mayu d'iguaño.

Las materias teóricas del cursu van ser las siguientes:

- Pautas de deturpación de la toponimia tradicional [2 horas]
- Lliteratura de tradición oral en Llión [4 horas]
- Pervivencia de la cultura tradicional na actualidá [2 horas]
- Nociones básicas de dialectoloxía asturllionesa [4 horas]
- El diseñu de la investigación de campu: obxectivos, preparación del cuestionariu y tratamientu de los datos [2 horas]
- Metodoloxía de la encuesta llingüística de campu [2 horas]
- Metodoloxía de la encuesta de campu n'etnomusicoloxía y lliteratura oral [2 horas]
- Panorama históricu de los trabayos llingüísticos de campu en Llión y Asturias [2 horas]

Las materias prácticas del cursu van ser estas (cada alumnu tendrá qu'escoyer dúas d'entre estas cuatro):

- Recoyida de lliteratura oral nel suroccidente de Llión: Cabreira y La Valduerna [10 horas]
- Una encuesta etnomusicolóxica na montaña central de Llión: de La Tercia a Babia [10 horas]
- Trazar una isoglosa: los límites llingüísticos l.luna / lluna y pacha / paya na comarca d'Oumaña [10 horas]
- Llevantamientu de la toponimia mayor del cuadrante noroccidental de la provincia de Llión [10 horas]

Leer más en:
Actualidá de Furmientu
Corazón de León

No hay comentarios: